0 येवढा विश्वास नाही राहिला तो माणसावर

येवढा विश्वास नाही राहिला तो माणसावर 

भिंत तोडोनी म्हणे, करु या जगा शमशान सारे I

काय झाले मानवासी मानवाचा घात करतो

तो इराणी, तो इराकी, जीव घेण्या एक सारे I 

धर्म येथे आड ना ये, रंग असो कोणताही

संस्कृतीचे भान नाही, रक्त वाहो रोज सारे I

मानवाचे शौर्य सारे, एकमेकां मारणेसी

या जगाचे एक थडगेची कराया बध्द सारे I 

पाक यांची नीत कैसी, मारती भूके जनांना 

राख करणे, ध्वस्त करणे, पाकड्यांचे खेळ सारे I 

योजना कैसी तुझी आहे मला ते आकळेना 

जोडणे नाही कुठेची, तोडण्याती मग्न सारे I

        - प्रकाश पटवर्धन

        १९४२०१५  

0 क्षमता अचाट आहे, तेही अजाब आहे

क्षमता अचाट आहे, तेही अजाब आहे

स्पर्शात शब्द आहे, संवाद येथ आहे I

स्पर्शात माय आहे, स्पर्शात राय आहे

स्पर्शात नेणिवांच्या सारेच युक्त आहे I 

स्पर्शात रम्यता ती, स्पर्शात दुःख आहे

स्पर्शात या सुखाच्या सारेच लिप्त आहे I 

स्पर्शात भाव आहे, स्पर्शात ठाव आहे

स्पर्शात भव्यता ती, स्पर्शात नीच आहे I

 हा स्पर्श जीवनाचा, आविभाज्य अंग आहे 

स्पर्शाविना जगी या, अस्पर्श काय आहे !

-   प्रकाश पटवर्धन

   १५४२०१५.  

0 आज सारे आपले परकेच झाले

आज सारे आपले परकेच झाले

कोण सांगा कुणाला प्यार झाले I 

येथ सारे चिंब स्वार्थी जाहलेले

मानवाचे गोत्र त्यासी भार झाले I

मायबापा ठेवती बाहेर प्यारे

हे समाजी पापही मंजूर झालेI 

हा फुलोरा सुखवितो नेत्रास भारी

आज काट्यांचे असे ही वार झाले I 

आज दारी पाहुणे ही येत नाही 

सांत्वनी मेसेज येथे फार झाले I 

काय वर्णू येथले औदार्य देवा

वृध्द डोळे पाहुनी ते गार झाले I

 

आज श्रध्दा संपली, बाजार झाले

धर्म, प्रेषीतांचे रेटही मंजूर झाले I

हा खुला बाजार चाले दिवस राती 

येथ सारे वीर ही हो गार झाले I

-  प्रकाश पटवर्धन