2 सोसतांना हासणे नाहीच सोपे

सोसतांना हासणे नाहीच सोपे

वेदनांना पाळणे नाहीच सोपे I

जाणकारांच्या मुरब्बी बैठकी या

मुखवट्याला राखणे नाहीच सोपे I

ती प्रिया माझी म्हणोनी काय झाले

चेह-याला दावणे नाहीच सोपे I 

हात हाती रम्य राती चालतांना

भावनांना रोखणे नाहीच सोपे I 

मातले सारे इथे ते राजकाजी 

शांततेने राहणे नाहीच सोपे I 

शिक्षणाच्या मुक्त बाजारी इथेची 

अर्थसत्ता टाळणे नाहीच सोपे I

दुग्धगंगा वाहते नेमेच जेथे 

भेसळीला छपवणे नाहीच सोपे I

पाटबंधारे असे कां कोरडे ते

राष्ट्रवादी भोग ते नाहीच सोपे I 

ठेव ध्यानी चार बाळे फार नाही 

भक्त सांगे आचरण नाहीच सोपे I 

ईशसेवा क्रॉसखाली चालते रे

मर्म कर्मी जाणणे नाहीच सोपे I 

मी असे हो स्वच्छ म्हणतांना इथेची

डाग काळे लपविणे नाहीच सोपे I

ही गजल माझी म्हणोनी छापताना 

काव्यचोरी लपविणे नाहीच सोपे I

- प्रकाश पटवर्धन

२०४२०१५.