0 क्षमता अचाट आहे, तेही अजाब आहे

क्षमता अचाट आहे, तेही अजाब आहे

स्पर्शात शब्द आहे, संवाद येथ आहे I

स्पर्शात माय आहे, स्पर्शात राय आहे

स्पर्शात नेणिवांच्या सारेच युक्त आहे I 

स्पर्शात रम्यता ती, स्पर्शात दुःख आहे

स्पर्शात या सुखाच्या सारेच लिप्त आहे I 

स्पर्शात भाव आहे, स्पर्शात ठाव आहे

स्पर्शात भव्यता ती, स्पर्शात नीच आहे I

 हा स्पर्श जीवनाचा, आविभाज्य अंग आहे 

स्पर्शाविना जगी या, अस्पर्श काय आहे !

-   प्रकाश पटवर्धन

   १५४२०१५.  

0 आज सारे आपले परकेच झाले

आज सारे आपले परकेच झाले

कोण सांगा कुणाला प्यार झाले I 

येथ सारे चिंब स्वार्थी जाहलेले

मानवाचे गोत्र त्यासी भार झाले I

मायबापा ठेवती बाहेर प्यारे

हे समाजी पापही मंजूर झालेI 

हा फुलोरा सुखवितो नेत्रास भारी

आज काट्यांचे असे ही वार झाले I 

आज दारी पाहुणे ही येत नाही 

सांत्वनी मेसेज येथे फार झाले I 

काय वर्णू येथले औदार्य देवा

वृध्द डोळे पाहुनी ते गार झाले I

 

आज श्रध्दा संपली, बाजार झाले

धर्म, प्रेषीतांचे रेटही मंजूर झाले I

हा खुला बाजार चाले दिवस राती 

येथ सारे वीर ही हो गार झाले I

-  प्रकाश पटवर्धन 

0 स्मरता जरा सुखाला, हे काय हो जहाले

स्मरता जरा सुखाला, हे काय हो जहाले

बाजार हे व्यथांचे, वरतीच काय गेले I

समजून घे खरे हे, दुःखात सुख आहे

या मानवी जगाचा, तोची सखाच आहे I

त्या मागण्याच साठी, सारेच एक झाले

ते कारखानदारां, वाईट मात्र झाले I

देऊ नको फुकाचे, घे काम, घाम गाळी

छातीवरीच कोणी, नेवू शके न बाळी I

कोणी कशास गाळी, दो बुंद आसवांचे

माझे मलाच थोडे, ऐकू कुणा कुणाचे I

ठेवू नका भरवसा, कोणी नसे कुणाचे 

स्वार्थात मग्न सारे, मागेच ते धनाचे I

सोडून शेत जागा, धांवू नकोस मागे

टोप्या खुणावती रे, संकेत ते भ्रमाचे I

टोप्याही लोकशाही, रंगात रंगलेल्या 

भांगेपरी नशेच्या, धुंदीत धुंदलेल्या I 

कैवार फार झाला, गजेंन्द्र ठार गेला 

'अरविंद' काय सांगु, 'विश्वास'घात झाला I

सुतक कुणास नाही, जो तो हिरीरी ने

दोषारोपी करती, तरीही क्रमाक्रमाने I

          -  प्रकाश पटवर्धन